Për “Blerjen dhe furnizimin me kuti arkive”

Banka e Bashkuar e Shqipërisë kërkon të prokurojë “ Blerjen dhe furnizimin me kuti arkive”për sistemimin e dokumentacionit të bankës.  Mbështetur në ofertat e paraqitura nga kompani me reputacion në ofrimin e këtij produkti, kriteret për ofertim do t’ju dërgohen me shprehjen e interesit tuaj në adresën e email-it prokurime@uba.com.al

 

AFATET DHE KUSHTET

Afatet që do të respektohen për këtë prokurim:

1. Njoftimi i shpalljes së prokurimit: Datë, 15. 05. 2026
2. Afati i fundit për të shprehur interesin: Datë, 22.05.2026.

 

Banka e Bashkuar e Shqipërisë (UBA)

NJOFTIM PËR SHTYRJE TË AFATEVE PËR TENDERIN

Prokurim i Sistemit Bazë të Bankës

Banka e Bashkuar e Shqipërisë në prokurimin për Sistemin Bazë të bankës të shpallur me datë 27.12.2024, ka vendosur shtyrjen e afateve për proceset e prokurimit me një javë.

 AFATET DHE KUSHTET

Afatet që do të respektohen për këtë prokurim:

Nr.	PËRSHKRIMI	Afati ishte	Afati Bëhet
1	Afati për përgjigje nga banka të pyetjeve të ofertuesve	31.01.2025	07.02.2025
2	Afati i dorëzimit të ofertave	11.02.2025	18.02.2025
3	Prezantimi dhe Demostrimi vendorëve (nëse do të jetë i nevojshëm).	25.02.2025	04.03.2025
4	Vlerësimi, zgjedhja dhe njoftimi i ofertuesve të kualifikuar në fazën e parë	07.03.2025	17.03.2025
5	Intervistë me ofertuesit e kualifikuar (nëse do të jetë e nevojshme)	15.03.2025	24.03.2025
6	Përzgjedhja e ofertuesit fitues dhe fillimi i negocimeve kontraktuale.	25.03.2025	01.04.2025

 

Kushtet:

• Dokumentacioni duhet të plotësohet në përputhje me kriteret e përcaktuara në Dokumentin me Kërkesat dhe Kriteret për Ofertim.
• Oferta teknike dhe ekonomike duhet të paraqiten në origjinal, të firmosura, të vulosura, në dy zarfe të ndryshme të mbyllur:

1. Oferta teknike duhet të paraqitet e printuar sipas kushteve më sipër, dhe në formë elektronike (USB ose Disk) brenda të njëjtit zarf.
2. Oferta Financiare duhet të paraqitet sipas zërave përcaktuar nga banka, e printuar dhe në formë elektronike (USB ose Disk) brenda të njëjtit zarf.

• Zarfat me ofertat përkatëse dërgohen në zyrat qendrore të bankës me adresë Rruga ‘Dritan Hoxha’, Nd.11, H.3, Njesia Bashkiake Nr.7, Tirane, 1023, Albania, me përcaktimin e objektit të tenderit mbi zarf

Banka e Bashkuar e Shqipërisë (UBA)

UBA Bank, pjesë e grupit EUROSIG vijon me zgjerimin e rrjetit të degëve në Fushë Arrëz, si banka e vetme në qytet

Në këtë inagurim mbajti fjalën Presidenti i Grupit Eurosig, Z. Kadri Morinaj, i cili u shpreh se kjo nuk është një inicitiavë e orientuar drejt fitimit, por një kërkesë dhe nevojë e qytetarëve të Fushë-Arrëzit. Dega e re, nuk do të shërbejë vetëm si një institucion financiar, por si një binom në ndihmë të zhvillimit të turizmit dhe në mbështetje të qytetarëve.

Në inagurim na u bashkua dhe Kryetari i Bashkisë Fushë-Arrëz, Z. Hil Curri, i cili e konsideroi hapjen e degës së UBA Bank si një ditë të shënuar. Kryetari i Bashkisë falenderoi Presidentin për sipërmarrjen në dobi të qytetarëve. Tashmë, ata kanë një shërbim të shtuar i cili mungonte prej shumë kohësh.

Dega e UBA Bank në Fushë-Arrëz ofron të gjitha shërbimet financiare për çdo individ, familje e sipërmarrje.

Duke ju falenderuar për besimin tuaj, ju mirëpresim në degën tonë më të re!

UBA Bank, pjesë e grupit më të madh financiar në vend EUROSIG-INSIG vijon me zgjerimin dhe modernizimin e rrjetit të degëve.

Me një infrastrukturë bashkëkohore, dega e re në Rr. Ferit Xhajko, Tiranë ofron një mjedis mikpritës në përputhje me standardin e kohës. Dega më e re në Tiranë ofron të gjitha shërbimet financiare për çdo familje e sipërmarrje.

Duke ju falenderuar për besimin tuaj, ju mirëpresim në ambientet e reja të degës ‘’Ferit Xhajko’’.

Me iniciativë të Kryetarit të Bashkisë Vlorë, Z. Ermal Dredha, vizituam familje të prekura nga përmbytjet, duke u shpërndarë atyre pajisje të ndryshme shtëpiake. Kryetari i Bashkisë shprehu mirënjohjen për gatishmërinë e Grupit Eurosig që këto familje t’u rikthehen jetës normale sa më shpejt.

Alma Beja, Zv. Drejtore e Përgjithshme u shpreh se: “Përgjegjësia Sociale është në themel të të gjitha nismave dhe aktiviteteve të ndërmarra. Banka e Bashkuar e Shqipërisë do ti gjendet pranë duke mbështetur kërkesat dhe nevojat e qytetarëve të Vlorës.

UBA Bank dhe Euro Credit, pjesë të grupit EUROSIG vijojnë me zgjerimin e Rrjetit të Degëve, në qytetin e Vlorës.

Presidenti i Grupit Eurosig Z. Kadri Morinaj u shpreh se grupi do jetë prezent në qytetin e Vlorës me investime të rëndësishme në fushën e shërbimeve, duke ju ardhur në ndihmë qytetarëve dhe bizneseve fizikisht dhe online.

Në inagurim na u bashkua edhe Kryetari i Bashkisë Vlorë, Z. Ermal Dredha, i cili u shpreh mjaft optimist për projektet e ardhshme të Grupit Eurosig në qytetin e Vlorës dhe falenderoi Presidentin Z. Morinaj për humanizmin e treguar duke dhuruar 20.000€ në mbështetje të të dëmtuarve nga përmbytjet e fundit në qytetin e Vlorës.

Dega më e re në rrugën Nermin Vlora Falaski do të ofroj të gjitha shërbimet financiare për çdo klient dhe partner biznesi. Tashmë, vlonjatët në degën e UBA Bank do të përfitojnë normat më të larta të depozitave.