UBA Bank, pjesë e grupit më të madh financiar EUROSIG-INSIG vijon me zgjerimin dhe modernizimin e rrjetit të degëve.

Me një infrastrukturë bashkëkohore, dega e re në Sheshin “Ahmet Zogu” Burrel ofron një mjedis mikpritës në përputhje me standardin e kohës.

Në ceremoninë e inagurimit ishin të pranishëm drejtues të lartë të bankës, drejtues të pushtetit vendor në Mat si zv/kryetari i bashkisë së Matit, Myslym Zeneli, kryetarja e bashkisë Klos, Valbona Kola, nënprefekti i Matit, Hasan Pasha, klientë, partnerë dhe të ftuar specialë nga sektori publik dhe privat. Të ftuarit patën mundësi të shohin nga afër hapësirën moderne të degës dhe të njihen me përfaqësuesit e bankës.

Presidenti i Grupit Eurosig, Kadri Morina, u shpreh se qëllimi i hapjes së degës në Burrel është për t’ju dhënë më shumë mundësi qytetarëve të marrin shërbimet e kësaj banke. Ndërsa kryetarja e bashkisë Klos Valbona Kola dhe nënprefekti i Matit, Hasan Pasha uruan drejtuesit e UBA Bank.