Llogaria e Pagesave me Shërbime Bazike

Ligji Nr. 100/2023 “Për Llogarinë e Pagesave me Shërbime Bazike” siguron të drejtën për të patur të paktën një llogari pagese me shërbime bazike për çdo person, si një mjet i rëndësishëm për të marrë shërbimet bankare bazike. Llogaria e pagesave me shërbime bazike iu ofrohet konsumatorëve dhe individëve ligjërisht rezidentë në Republikën e Shqipërisë. Secili individ mund të hapi një llogari të pagesave bazike duke paraqitur një dokument identifikimi të vlefshëm (ID apo pasaportë) në degët e UBA Bank. Llogaria e Pagesave ofrohet vetëm në monedhën “LEK”.

Shërbimet e përfshira në Llogarinë e Pagesave

Shërbimet që mundësojnë hapjen,funksionimin dhe mbylljen e llogarisë;
Depozitimi i fondeve;
Tërheqjen e fondeve në sportele dhe ATM brënda Republikës së Shqiperisë;
Debitime direkte;
Tranksaksione pagesash përmes një karte bankare përfshirë pagesat online;
Transfertat e kreditit përfshirë pagesa periodike, në terminale dhe në sportelet e bankës dhe platformat online.

Procedurat për hapjen e llogarisë së pagesës me shërbime bazike

Konsumatori paraqet kërkesën/aplikon për hapjen e llogarisë;
Deklaron se nuk disponon llogari pagese me shërbime bazike në banka të tjera
Jep pëlqimin për verifikimin e deklaratës së dhënë;
UBA Bank kryen hapjen e llogarisë së pagesave me shërbime bazike brenda 10 ditëve pune pas marrjes së aplikimit të plotë
Në rast refuzimi, njoftohet konsumatori brenda 15 ditëve nga aplikimi.

Banka rezervon të drejtën të mbyllë llogarinë e klientit, në rast se:

Konsumatori ka përdorur llogarinë e pagesave për qëllime të paligjshme;
Nuk ka patur asnjë transaksion në llogarinë e pagesave për më shumë se 24 muaj rresht;
Konsumatori ka paraqitur informacion të pasaktë për të hapur llogarinë e pagesave me shërbime bazike
Konsumatori nuk gëzon më cilësinë e rezidentit në Republikën e Shqipërisë;
Konsumatori ka hapur një llogari të dytë pagesash në Republikën e Shqipërisë, e cila i lejon atij të përdorë shërbimet bazike qe i ofrohen njëkohësisht edhe sipas kësaj kontrate.